Hexið hefst

Ég átti ekki sérstaklega von á því fyrir 10 árum síðan, þegar ég lærði að prjóna, að einn daginn myndi ég opna vefsíðu með garn til sölu. En lífið togar mann í hinar ýmsu áttir. 

Ég er stjórnmálafræðingur að mennt ásamt því að hafa gengið í ljósmyndaskóla. Áhugamálið mitt hefur samt síðustu árin verið flestöll handavinna og þá sérstaklega prjón. Það opnaðist fyrir mér nýr heimur þegar ég uppgötvaði að fleira var til en lopi hér á Íslandi. 

Ég valdi tvær af mínum uppáhaldstegundum til að vinna með, tvær mismunandi gerðir fingering sokkabandsgrófleika, bæði þessa hefðbundnu sem hefur extra mikið á hespunni og aðra sem er aðeins meiri um sig og hefur meiri áferð. Ef vel gengur, mun ég bæta við tegundum. Ef ekki, þá mun ég eiga nóg af garni fyrir alla mína handprjónuðu sokka næstu árin!